Sódavatn var stofnað árið 2020 eftir að Herdís og Marinó keyptu sitt fyrsta sódavatnstæki. Sódavatnsæði greip um sig á heimili þeirra hjóna og var sódavatn drukkið með hverri máltíð. Síðan tæmdist hylkið - nú voru góð ráð dýr, við skulum taka hylkið með næst þegar við förum í verslunarferð hugsuðum við en alltaf gleymdist hylkið og áður en við vissum af höfðum við verið áfyllingarlaus í nokkra mánuði. Sódavatnstæki stóð á eldhúsborðinu eins og illa gerður hlutur með engan tilgang. Hugmyndin að Sódavatni kviknaði á þessum tímapunkti og áskriftarþjónustan leit dagsins ljós. Markmiðið var að geta einfaldað líf sódavatnsþyrstra viðskiptavina og veita alvöru samkeppni við þægindi einnota umbúða.

Fljótlega var áherslan síðan sett á að hanna og smíða fullkomna áfyllingarverksmiðju til þess að geta boðið upp á íslenskar áfyllingar. Áður höfðu öll kolsýruhylki á landinu verið áfyllt erlendis og send til Íslands og síðan send aftur tóm erlendis til áfyllingar. Árið 2023 fórum við síðan að bjóða öðrum smásölum að kaupa hylki beint úr okkar íslensku hringrás og var Elko fyrsta verslunin til þess að bjóða okkar hylki til sölu. Síðan þá hafa margar verslanir bæst í hópinn og núna er hægt að fá hylkin frá okkur í verslunum Byko og N1 ásamt mörgum verslununum á landsbyggðinni.